Пазнаёмцеся з намі і нашым часопісам!
“Acta Albaruthenica”, навуковы часопіс Кафедры Беларусістыкі Варшаўскага ўніверсітэта, быў заснаваны ў 1998 годзе. Першы томік выйшаў у Варшаве, а чатыры наступныя друкаваліся ў Мінску (2001-2005). З 2007 года часопіс зноў выдаецца ў Варшаве; яго рэдагуюць супрацоўнікі Кафедры Беларусістыкі.
Гэта адзіны часопіс па-за межамі Беларусі і найстарэйшы на Захадзе, які папулярызуе даследаванні беларускай мовы і беларускай літаратуры. Гэта адзінае месца для публікацыі такіх артыкулаў для даследчыкаў з заходняга свету, а таксама незалежных беларускіх даследчыкаў.
Місіяй выдання з’яўляецца папулярызацыя згаданай тэматыкі насуперак стэрэатыпам, моўнай палітыцы і культурным міфам, якія не даюць шмат месца для прэзентацыі падобнай тэматыкі.
Навуковыя працы, якія друкуюцца ў часопісе, прысвечаны разнастайным праблемам беларусістыкі (мова і літаратура). У кожным нумары публікуюцца таксама рэцэнзіі, водгукі, справаздачы.
Аўтарамі публікацый з’яўляюцца навукоўцы і даследчыкі з розных навуковых цэнтраў у Польшчы і Беларусі. Матэрыялы друкуюцца па-польску і па-беларуску з кароткімі рэзюмэ на англійскай, польскай і беларускай мовах.
Публікацыя ў часопісе “Acta Albaruthenica” для аўтараў бясплатная. Рэдакцыя не бярэ плату за падрыхтоўку і друк матэрыялаў.
Усе артыкулы ў “Acta Albaruthenica” праходзяць працэс падвойнага сляпога рэцэнзавання. Артыкулы дасылаюцца як мінімум двум рэцэнзентам. Рэцэнзенты падбіраюцца з адпаведнымі навуковымі кампетэнцыямі.
“Acta Albaruthenica” – гэта часопіс з адкрытым доступам, згодна з заявай Bethesda аб публікацыі ў адкрытым доступе (Open Access).
Змест выпускаў часопіса і тэксты артыкулаў падаюцца ў вольным доступе ў раздзеле Архіў.
Аўтарскія правы на артыкулы ў “Acta Albaruthenica” захоўваюцца за аўтарам (аўтарамі), пры гэтым права на першую публікацыю належыць часопісу.
Дзякуючы публікацыі ў гэтым часопісе з адкрытым доступам, артыкулы могуць свабодна выкарыстоўвацца з некамерцыйнымі мэтамі з абавязковым указаннем і аўтара (аўтараў), і часопіса першапублікацыі. (Больш інфармацыі на http://creativecommons.org/licenses/by/3.0/pl/).
“Acta Albaruthenica” выкарыстоўвае ліцэнзію Creative Commons: 4.0 Польшча (CC BY-NC-ND 4.0 PL) . Для атрымання дадатковай інфармацыі аб ліцэнзаванні Creative Commons, калі ласка, наведайце: https://creativecommons.org/licenses/by-nc-nd/4.0/deed.pl
Часопіс ёсць у базах:
Arianta, Biblioteka Nauki, Linguistic Bibliography, Brill Bibliography of Slavic Linguistics Online, CEJSH, ERIH PLUS, Index Сopernicus, iSybislaw, Most Wiedzy, PBN.
e-ISSN 2720-698X
ISSN 1898-8091